I dag er verdens #prematurdag, og da vil jeg dele et dikt jeg har skrevet om og til min største #superhelt💕 #aldrikjedeligmedsamuel
Med hjartet fullt
Eg tør ikkje sjå på deg,
men eg høyrer deg.
Du ser meg og
ser forbi meg.
Du høyrer meg og
ber meg teie stilt.
Alle lydane mine,
du likar dei ikkje.
Dei er i vegen for deg.
Dei når ikkje inn til deg.
Vegen er ikkje open.
Alle orda mine,
dei som ligg gøymt
i alle lydane mine.
Du kan ikkje høyre dei.
Du vil ikkje høyre dei.
Du forstår ikkje orda mine,
for du kan ikkje tru at
dei er der.
Hjartet mitt
er fylt av lengsler
fanga av stengsler.
Hjartet mitt
er velsigna med rikdom,
ropar om fridom.
Lydane mine,
du likar dei ikkje.
Eg vender meg bort.
Lydane mine slokna.
Eg trudde på deg,
eg hadde ingenting
å seie.
Når blikket ditt
møter mitt.
Når du ser på meg
og seier tal!
Hjartet mitt
er fylt av lengsler
eg bryt ned stengsler.
Hjartet mitt
er velsigna med rikdom,
ropar om fridom.
For eg kan ikkje teie.
Hjartet mitt er fullt.
Saman med deg
Det er så mykje ein kan seie om kjærleiken.
Om kjærleik som gjer blind,
eller den kjærleiken som opnar auga dine.
Eller at kjærleiken skal både
halde ut alt,
tru alt,
håpe alt og
tole alt.
Det er så mange store ord om kjærleiken.
Kjæleiken, varmaste ord på jord.
Kjærleiken som set andre føre seg sjølv.
Om at lukka er i kjærleiken.
Og at kjærleik er å ha tillit. Og å sjå forbi.
Kjærleiken er vindauget til livet.
Saman med deg kan eg gøyme meg i kjærleiken.
Når eg er glad,
så dansar du saman med meg.
Når eg er sorgtung,
så sanker du tårene mine og tømer dei ut i havet.
Når eg er redd,
så gøymer du meg i armane dine og held meg fast.
Når eg er full av livsmot,
så blir du med meg ut og erfarer verda.
Saman med deg kan eg erfare kjærleiken.
Å sjå at eg kan bli blind for feila dine.
Å få åpna auga for at du kan vera perfekt i det uperfekte.
Å få dela kvardagar med deg,
både dei vanskelege dagane, festdagane og dei heilt vanlege dagane,
er det som gjer meg varm i hjartet.
Eg vil vera nær deg når du gråter og når du ler.
Eg veit at eg er trygg når eg ser ut vindaget til livet saman med deg.
For saman med deg,
er det mogleg å tru på ein kjærleik som
halder ut alt,
trur alt,
håper alt og
toler alt.
#toremin
